أنا بنت في تانية ثانوي ولما كنت في الإعدادية كان بيحصل

أنا بنت في تانية ثانوي ولما كنت في الإعدادية كان بيحصل مشاكل بين بابا وماما والمشاكل دي كانت بتحصل بسبب جدتي لأنها كانت بتحرض بابا على ماما فكانت المشاكل بين ماما وبابا على طول ولدرجة إن بابا كان بيعاملني أنا وماما وأخواتي بطريقة سيئة جدًا. فأنا في الوقت ده كان في كراهية بيني وبين بابا والمشكلة أنا كنت أنام مع جدتي وكنت أسمعهم وهم بيشتموا علينا والحاجة دي استمرت سنين ومن ٦ أشهر وأنا جالي خوف من الأماكن ومن بيتي وجالي وسواس في الدين والناس وأشك في أهلي وبتوه لما يمشى في الطريق.

طبعا الوسواس القهري والاكتئاب ناتج من الضغط العصبي.

ماتقلقيش الموضوع ده بيخف بالعلاج وتتحسني إن شاء الله.

توجهي لأقرب طبيب نفسي لمناظرة الحالة وكتابة العلاج المناسب.