طفلى ٥سنوات وزنه قليل جدا ١٢كيلو قليل الاكل جدا بنأكله عصب عنه واحيانا

تغذية الاطفال بتحتاج صبر شوية لو معجبهمش اكله معينه منيأسش نبدأ نغير الطريقة اللي بنعملها بيها ، يعني مثلا اللحمة مش بيحبوها مسلوقة نجربها مشوية او نعملها مفرومه ونعملها كفته او برجر وبالنسبة للخضروات نقطعها بطريقة مختلفة ،

ومش شرط الحاجة تدخل بنفسها ممكن ندخل الاصناف اللي مش بيحبها في وصفات واكلات تانية بيحبها وهكذا ..

ونخليهم يشتركو معانا في عملية اختيار الطعام زي اننا ننزلهم معانا السوق او السوبر ماركت .. يبدأو يشتركو معانا في اعداد الطعام حتي لو بحاجات بسيطة ، لما الطفل بيشارك بنفسه في اعداد الطعام بيخلي عنده قابليه اكبر انه ياكل الاكل اللي عمله لانه بيعتبر نفسه مشارك فيه ودة بيديله ثقة في نفسه اكتر وقابليه للاكل اعلي.