انا لاول مره اكون حامل وانا كنت مستنيه البيبى ده جدا بس دلوقتي انا مدايقه
10:45 م
الثلاثاء 14 أبريل 2020
انا لاول مره اكون حامل وانا كنت مستنيه البيبى ده جدا بس دلوقتي انا مدايقه علطول وبعيط كتير جدا بدون سبب واوقات كتير بحس انى مش عايزه البيبى وانا زوجى دكتور وفى الفتره دى هو مش قاعد معايا لانه خايف يتصاب ويعدينى و دلوقتي انا بجد مخنوقه اوى مش طايقه الاكل ولما روحت للدكتور كتبلى على فيتامينات وقال لازم اكل ده مجرد احساس بس انا فعلا مش طايقه اشوف الاكل وانا امى متوفية ومعنديش اخوات بنات فحسه انى لوحدى ومش قادره استحمل لدرجه انى فكرت انتحر والفكرة مش بتروح عن بالى وانا بجد خايفه
ده نوع من الاكتئاب مصاحب للحمل والولادة
معلش الموضوع ممكن يكون صعب
حاولى الفترة دى تكونى فى مكان فيه اهتمام ورعاية ودعم نفسي
ممكن تروحى مكان فيه اخصائيات نفسيات لعمل جلسات علاج نفسي
الادوية اخر حل عشان الحمل بس لو اضطرينا ممكن نستخدمها
