انا عرفت ان عندى كانسر وحاله متأخره انا مخنوقه وبعيط كتير ومليش نفس للاكل
11:08 م
الثلاثاء 14 أبريل 2020
انا عرفت ان عندى كانسر وحاله متأخره انا مخنوقه وبعيط كتير ومليش نفس للاكل خالص وعندى ارق ومش مستوعبه الموضوع انا حاسه ان كل الأحلام الكنت ببنيها اتهدت انا طالبه فى كليه طب لسه فى سنه تانيه وكان قدامى هدف وتعبت اوى على ما دخلت الكلية الانا عايزاها بس انا بعد اول كام جلسة من الكيماوى تعبت وشعرى بدء يقع وحاسه انى مش قادره استحمل ورفضت اكمل علاج وفكرت انى انتحر انا كده كده هموت انا بصراحه جربت بس معرفتش بس عايزه احاول تانى لانى بجد تعبانه بس حاسه انى متلغبطه فبجد مش قادره استحمل فارجوكوا ساعدونى
الاكتئاب مع مرض زى ده وارد جدا
لكن خليكي عارفة ان حالتك المعنوية مهمة جدا وقادرة لوحدها انها تهزم المرض
الابتلاء بالامراض قدر من عند ربنا والشفاء كمان من عند ربنا
لكن احنا مامورين ناخد بالاسباب
العلاج الكيماوى وان كان صعب لكن الاعراض الجانبية فترة وبتعدى وشعرك هايرجع يطول تانى والمحنة هاتزول فخلي عندك صبر واحتسبي وربنا قادر يشفيكي
جملة انا كده كده هاموت انا معترض عليها الصراحة لسبب كلنا معرضين نموت فى اى وقت لكن لو مقدرلى انى اموت وانا راضى بقضاء الله ومحتسب الاجر واسنفذت كل سبل حفظ النفس احسن ولا انتحر وده نوع من عدم الرضي
اخيرا لازم تروحى لطبيب نفسي لعمل جلسات علاج نفسي ومافيش مانع ناخد ادوية مضادة للاكتئاب تحسن الحالة المزاجية شوية واوية تساعد على النوم
