انا كل يوم مشاكل مع اهلى وخناقات بسبب السجاير وبكسر اى حاجه ف البيت ساعت
04:21 م
الجمعة 07 فبراير 2020
انا كل يوم مشاكل مع اهلى وخناقات بسبب السجاير وبكسر اى حاجه ف البيت ساعت مبيكلمونى ويعملو حوار معايا بسببها واخرتها النهارده حصل كدا وكنت همد ايدى ع ابويا وامى انا عملتها قبل كدا بس مردتش اعملها تانى ودخلت البلكونه كنت هرمى نفسي وابويا فضل يعيط وامى وكل دة بسبب انى مبشتغلش وبشرب سجاير وكدا ف ممكن رد انا مش عارف اعمل اى ف حكاية السجاير واهلى والشغل انا مش حاابب اشتغل اصلا انا بحب افسح نفسي واخرج واقعد برة البيت مع صحابي وبردو هما مش عايزنى اقعد مع صحابي
هو فى 3 حاجات عايز اتكلم فيها
اولا ممكن جدا يكون عندك مشكلة نفسية بس ممكن تكون انت مش حاسس بيها زى الاضطراب الوجدانى وده اللى بيخليك تعمل الحاجات اللى انت بتقول عليها
ثانيا ممكن جدا فى جزء ماقلتوش وهو انك بتشرب مخدرات واهمها الحشيش ده بيعمل الاضطراب الوجدانى من نفسه من غير ما يكون عندك مشكلة نفسية
ثالثا تبطيل السجاير لو انت شايف انها عاملالك مشاكل غير انها هتهلك صحتك وفلوسك خصوصا انك مش بتشتغل وبتاخد مصروف مش صعب ممكن تبطل تدريجيا بخطوات ثابتة حتى لو على المدى البعيد او تستخدم دوا موجود فى الصيدلية اسمه تشامبيكس وده دوا ممتاز ويساعدك جدا انك تبطل
