والدى توفى منذ ٣ شهور واراه فى كل مكان اذهب اليه ولايفارقنى ابدا ودائما
05:27 م
الإثنين 23 مارس 2020
والدى توفى منذ ٣ شهور واراه فى كل مكان اذهب اليه ولايفارقنى ابدا ودائما احلم به انا مخطوبة وبتعصب على خطيبى كتير وبنتخانق مع بعض ودايما لما بحلم بيكون بابا وخطيبى فى الحلم بسيب خطيبى واروح لبابا وبسلم عليه فى الحلم وبيقولى تعالى معايا بقولوا هسأل خطيبى واستأذنه وارجع وبابا مش بيوافق انا بحب خطيبى جدا ولكن حبى لبابا خلانى قربت اتجنن مش عوزة اخسر خطيبى عوزة نرجع فرحانبن تانى لانه هو الوحيد اللى قدر يخلينى اتخطى جزء من محنتى فى وفاة والدى من فضلكم قولولى اعمل ايه شكرا لحضراتكم انتظر الرد منكم
الحزن على فقد شخص عزيز وغالى سواء من الاسرة او الاصدقاء عادة يصحبه حالة من الحزن
وده شىء طبيعى جدا
لكن اللى مش طبيعى ان فترة الحزن تكون اطول من الطبيعى وتبدا تاثر على حياتنا العملية والاجتماعية زى فى حالتك كده
مافيش شك انك محتجة تقعدى مع طبيب نفسي لبدا العلاج اللى يساعدك ويرتبلك جلسات علاج نفسي عشان تقدرى تتخطى المرحلة دى وياريت خطيبك يكون معاكي
