انا شاب في سن ١٨ عام في الثانوية العامة أشعر بحزن كبير ولا اعرف ماذا أفعل
11:22 م
الثلاثاء 14 أبريل 2020
انا شاب في سن ١٨ عام في الثانوية العامة أشعر بحزن كبير ولا اعرف ماذا أفعل انا عاصي لي ابي وامي وزانيت وربي غاضباََ عالي، لا أعرف كيف احل مشاكل اللي انا فيها مش عارف اتوب لربنا على طرل حابس نفسي في الاوضة مش بحب اكل مع حد ومحبش اكلم حد وعلى طول اعد في حالي انا فكرت كتير في الانتحار عارف انه حرام وهخش النار بس انا كده كده هتخل النار لن حاسس ان ربنا مش هيتقبل توبتي انا في من الايام قررت انتحر لان فعلاََ كاره الحياه ورحت جبت سم من الصيدلية ولاكن ماقدرت، ارجوك ساعدني لان فعلاََ كرهت الحياه جداََ
اذا كان الشيطان بيقولك ان ربنا مش هايقبل توبتك وانت صدقته يبقى انت حر
لكن الحقيقة ان ربنا مش بس بيقبل توبة العبد طالما توقف عن المعصية وندم على اللى عمله بس لا ده كمان بيفرح بيها ويبدل السيئات حسنات
انت بقه عايز تضيع ده كله انت حر
وموضوع والدك ووالدتك سهل جدا انك تبدا معاهم صفحة جديدة
اذا كان فى اكتئاب ممكن تروح لطبيب نفسي تاخد علاج للاكتئاب لو لوفكرة الانتحار قوية عندك ممكن كمان تتحجز فترة فى مصحة
وصارح اهلك بموضوع الاكتئاب وافكار الانتحار وموضوع انك كنت هاتنفذ فعلا عشان ينتبهوا ليك وياخدوك فورا لطبيب نفسي
شفت بقه ان الموضوع بسيط وانت مصعب الدنيا على نفسك
