انا طالبه فى الجامعه وجالى سرطان وانا كنت طبعا فى الاول خايفه من العلاج
11:00 ص
الأحد 26 أبريل 2020
انا طالبه فى الجامعه وجالى سرطان وانا كنت طبعا فى الاول خايفه من العلاج ومرعوبه وجالى اكتئاب بس كنت عارفه ان ده ابتلاء ولازم اصبر وبعدين اهلى قعدوا يضغطوا عليه عشان اتعالج انا كنت عارفه انهم خايفين عليه فبدأت اتعالج واخدت جلسات الكيماوى وبعدين خفيت وبعد كام شهر بس رجع تانى واشد من الأول بس المره دى انا بجد مش عايزه اتعالج تانى انا اه عارفه ان ده ابتلاء ولازم اصبر بس انا خلاص مش قادره اخد السم ده تانى عشان اتعالج بس اهلى عمالين يضغطوا عليه وانا مش قادره ومتلغبطه ومش عارفه اعمل ايه
زى ماانتي عارفة إن ده ابتلاء أكيد انتي عارفة إن إحنا لازم ناخد بالاسباب
وإن صعوبة العلاج والصبر عليه له ثواب كبير عند ربنا
لما ربنا إن شاء الله يكرمك وتشفي هاتفتكري الايام دي وتضحكي عليها
وممكن إنت نفسك تروحي تدعمي مرضي غيرك
مافيش مانع إن إحنا نأخد مضادات للاكتئاب عن طريق الطبيب النفسي هايسعدنا كتير
