انا اتخطبت من كام شهر وانا بحبه جدا بعدها علطول انا تعبت وجالى كانسر وبدأت
01:15 م
الأحد 26 أبريل 2020
انا اتخطبت من كام شهر وانا بحبه جدا بعدها علطول انا تعبت وجالى كانسر وبدأت علاج كيماوى هو فى الأول كان بيشجعنى وبعد شهر واحد سابنى من غير سبب وبعتلى الكلام مع حد من صحابه انه هو مش هيقدر يكمل وان انا بعد الكيماوى ممكن مخلفش انا بجد اتقهرت ان ده البيفكر فيه وانا بموت كل يوم انا من وقتها وانا عندى اكتئاب وانا مش بعرف اخد ادويه لان اى حاجه برجعها وبقيت حاسه انى بتعاقب ومش عارفه على ايه وحاولت انتحر مرتين وكل مرة مش عارفه ليه مش بموت بقيت بتمنى الموت كل يوم انا بجد تعبانه اوى ومش عارفه اعمل ايه
واحد اتخلى عنك فى ظروف زي دي مايتزعلش عليه وكويس انه ما نجحش فى الاختبار
بكرة إن شاء الله هاتشفي وتبقى كويسة و يتقدملك حد يكون راجل يخاف عليكي ويستاهل حبك
مافيش مانع تاخدي أدوية مضادة للاكتئاب عن طريق الطبيب النفسي تساعدك فى الفترة دي
